O thriller xacobeo na literatura galega contemporánea: O proxecto transmedial Trece Badaladas

Abstract

O Camiño de Santiago acadou nas tres últimas décadas unha importante proxección internacional, cun notable impacto turístico e cultural. Como consecuencia, moitas producións artísticas comezan a introducir a temática xacobea, expresando o carácter lendario, misterioso e máxico de Compostela. Unha delas é Trece badaladas, a novela de Suso de Toro, que forma parte dun proxecto transmedial, xunto co filme do mesmo título, estreado no mesmo ano de publicación do libro. A notable recepción de ambas obras constata o excelente comportamento comercial e crítico das narrativas contemporáenas de ambientación xacobea.