Recursos dispoñibles e modalidades de emprego das actividades manipulativas na física

Abstract

É ben sabido que unha forma de facilitar o aprendizaxe dos contidos relacionados coa Física consiste no emprego de metodoloxías activas. Entre as distintas opcións, o profesorado pode empregar as Actividades Manipulativas (AMs) que utilizan, debidamente contextualizados, materiais, obxectos, instrumentos ou montaxes experimentais tanto na aula como fora dela (Costa e Dorrío 2010). Neste obradoiro eminentemente práctico e interactivo presentamos unha visión actualizada de recursos e modalidades de utilización de AMs que permitan ao profesorado interesado continuar posteriormente a propia exploración individual.