Valle-Inclán en galego. Recepción e representacións escénicas na Galicia 2.0

Abstract

No ano 2017 liberáronse os dereitos de autor da obra de Ramón María del Valle-Inclán, o que permitiu a tradución e representación dos seus textos a diferentes linguas. Isto posibilitou, por primeira vez, a montaxe profesional en galego de varias pezas do dramaturgo. Entre o ano 2017 e 2019 sucedéronse diversas propostas que presentaremos neste traballo, analizando a posición da obra teatral do autor na cultura e no sistema teatral galego, os mecanismos de mediación lingüística e cultural, recepción e transformación escénica do texto dramático e a proxección e recepción crítica dos diferentes espectáculos teatrais levados a cabo.