Visitar, comerciar e habitar a cidade. Desenvolvemento do proxecto expositivo e participación social en Santiago de Compostela

Abstract

Este volume pretende dar conta das tres exposicións temáticas que, inscritas no proxecto expositivo xeral A Cidade, o Camiño e Nós, serviron para transmitir á cidadanía compostelana (entre outubro de 2019 e xaneiro de 2020) os principais achados en relación ás diversas visións de Santiago e ás diferentes imaxes e prácticas de visitantes, habitantes e comerciantes de Compostela. A partir de información declaradas polas máis de 3.700 persoas que, respondendo a diversas entrevistas, colaboraron no desenvolvemento desta investigación realizada dentro da Rede Galabra, preséntanse aquí elementos que axudan a identificar os impactos – quer positivos, quer negativos – desas imaxes e prácticas na comunidade local compostelana. Así, colócanse cuestións de relevancia para conformar opinión informada sobre diversos aspectos de transformación experimentada por Santiago de Compostela nos tempos máis recentes… e para se pensar a cidade e a comunidade que queremos para o futuro.